الثلاثاء، 10 مايو 2011

الغردقه ... ليه؟


إحنا كنا بنقول إيه؟؟؟....آآآآه الغردقه و حلاوتها و جوها الرائع ....إنها البلد التي لا تغيب عنها الشمس أبداً...اللهم إلا أيام قليله في الشتاء...مما يجعلها المدينه المثاليه لتنشئة طفل ولممارسة الرياضات البحريه ...ويا سلام المكان الأنسب لمحبي اللون الدهبي و البرونزي الفظيع ...وكما يُقال إن الغردقه فيها أجمل مناطق الغطس في العالم...آه بالمناسبه عندنا حدث للغطس يوم 26 يوليو2011 عاوزين يجمعوا أكبر عدد من الغطاسين في اليوم ده للدخول في موسوعة جينيس!!!!!



الناس هنا عباره عن خليط من محافظات مصر كلها...مش بس محافظات مصر ومن دول كتيره كمان....يعني هتشوف ناس من الشرق وناس من الغرب وناس من الشمال و ناس من الجنوب....لكن أكتر ناس بيحبوا يعيشوا هنا أو أكتر نسبه شفتها كانت من الإسكندرانيه و من الصعايده "طبعاً أجدع ناس"وبعد كده القاهريين وبعد كده الشراقوه وغيره
فطبعاً لازم تكون بتحب التنوع و إختلاف الثقافات لو حابب تعيش في الغردقه
كمان الأجانب بيموتوا في العيشه هنا ...والبعض الآخر بيفضل يقضي فترة الشتا في بلده الأم ،هنا في الغردقه،يعني هرباً من البرد القارس في الشتاء و خاصة في أوروبا
فعادي جداً جداً إنك تكون ساكن في بيت و معظم، إن لم يكن كل جيرانك، أجانب من جنسيات متنوعه...فمثلاً هتلاقي ألمان كتير و الأكتر منهم الروس ...وهتلاقي برده بولنديين و أوربيين شرقيين كتير...

ونتيجه لهذا التنوع الإجتماعي ..فإن المصريين اللي عايشين هنا تلاقيهم مديين علي خواجاتي شويه... كتير بلاحظ نوع من التشتت بين الأصول المصريه الشرقيه وبين حرية و إنفتاح الأجانب... لكن مع الوقت المُلاحظات دي بتقل ...و الواحد بيحس إن ده عادي يعني...
لاااااااااااا د أنا لو فتحت في حكاوي الناس اللي هنا مش هبطل و هعمل فضايح كتيييييييييييييييييييييير

و للحديث أكيد بقيه..

هناك تعليقان (2):

nashwabassam يقول...

اكملى ارجوكى استمتعت كثيرا بكلامك عن الغردقه لاننى اراها بعيون غيرى بطريقه احببتها بها اكملى لتجعلينى احبها اكثر فاحب حياتى

Moora يقول...

الحمدلله أنا كنت متخيله إن اللي كتبته هيخلي الناس تكره الغردقه.... و أنا في انتظار الوحي و المدد حتي أُكمل حكايات عن الغردقه